من نحن - ترافل هاوس

السفر بالنسبة لي ماكانش مجرد هواية… كان حلم بدأ معايا من المراهقة وكبر سنة بعد سنة، لحد ما قدرت أحققه وأعيش تفاصيله بكل شغف.
خضت تجارب سفر مختلفة، وزرت 22 دولة ما بين رحلات فردية وجماعيه، وكل رحلة كانت بتضيف لي خبرة جديدة وحكاية مختلفة. ومع الوقت، اكتشفت إن أكتر حاجة بحبها مش بس السفر… لكن إني أساعد غيري يعيش نفس التجربة بكل تفاصيلها الحلوة.

ومن هنا بدأت رحلتي في تنظيم الرحلات لهواة السفر وعشاق الترحال، وقدرت أنفذ أكتر من 60 رحلة جماعية وفردية، وأسافر مع الجروبات بنفسي علشان أشاركهم التجربة وأتأكد إن كل لحظة فيها تبقى مميزة.

بصمم برامج سياحية متكاملة تناسب كل شخص حسب أسلوب سفره وميزانيته، بداية من رحلات الـ VIP، لحد الـ Economic والـ Low Cost، مع الاهتمام بأهم المزارات والتجارب الحقيقية اللي تخلّي أي رحلة ذكرى ماتتنسيش.

وأسست “Travel House” علشان تكون أكتر من مجرد صفحة سفر… تكون مكان يجمع كل تجاربي، نصائحي، أفكاري، وصوري من مختلف أنحاء العالم، وكمان مساحة يشارك فيها المسافرين تجاربهم وذكرياتهم الجميلة بعد كل رحلة.
خلال السنين دي، قدرت أبني ثقة كبيرة مع ناس كتير من داخل مصر وخارجها، وبقيت مرجع لأي حد محتاج نصيحة سفر، ترتيب برنامج سياحي، أو حتى مساعدة في إجراءات الفيزا.

ولأن السفر بالنسبة لي مش مجرد انتقال من بلد لبلد، اخترت اسم “Travel House” ليكون معبر عن الفكرة اللي مؤمنة بيها…

إن أي مسافر لازم يلاقي مكان يشعر فيه بالأمان، الثقة، والمشاركة… مكان يجمع عشاق السفر تحت سقف واحد، وكأن العالم كله بيت صغير اسمه Travel House